Pilegrimstunet i Hålandsdalen

Pilegrimstunet – overnatting og omgjevnader for dei som ynskjer vera litt for seg sjølv, bruka tid i bøn og heilag lesnad i veksling med kanopadling, fiske, fjellvandring eller gardsarbeid.

Pilegrimstunet på garden Tegland ligg i Hålandsdalen i Fusa i Hordaland. I ein vill, naturskjønn og frodig vestlandsnatur kan ein finna ro og kvile. Overnattingsstaden ligg i vasskanten ved det vidgjetne fiskevatnet Skogseidvatnet. Frå hytta kan ein dra ut på holmeturar med kano i det 4 km lange vatnet, eller ein kan føreta vandringar i kulturlandskap, skogslier eller fjellterreng. Om ein ynskjer det, er ein velkomen til å delta i enkle arbeidsoppgåver på garden og få møta sauene. Ikkje minst oppmodar me til å nytta kapellet som ligg under ein stor heller nokre meter opp frå vatnet, rett sør for garden.