På den tredje søndagen i advent er det Herren sin profet og forgjengar som står sentralt. I evangelieteksten (Matt. 11:2-11) er vi vitne til Johannes som sender disiplene sine til Jesus for å finne ut kven han er. Jesus svarer med desse orda:
«Gå bort og fortell Johannes det som I hører og ser: blinde ser og halte går, spedalske renses og døve hører og døde står op, og evangeliet forkynnes for fattige; og salig er den som ikke tar anstøt av mig.»
Johannes forgjengaren er eit vitne om det som skal kome og det som vi alle ventar på i adventstida; at Herren Jesus Kristus skal bli født som menneske i ein vesal stall julenatt.
Den tredje søndag i advent blir frå gamalt av også kalla for den rosa søndagen eller Gaudete-søndagen og har navnet sitt etter det tradisjonelle innleiinga på dagen: Gaudete in Domino semper – Gled dykk i Herren alltid! (Fil. 4:4-6). Den tredje søndagen i advent markerer med dette eit lite avbrekk i den fastetida som advent faktisk er.
